اسلام آباد۔10اکتوبر(اے پی پی) صدر مملکت آصف علی زرداری پاکستان اچ رہݨ آلے چینی شہریاں دا تحفظ اتے سلامتی یقینی بݨاو?? سانڳے پاکستان دے عزم دا اعادہ کریندے آکھیے کراچی اچ دہشت گردی دے ایں ݙراکلے جرم دے مرتکب لوکاں کوں انصاف دی کچاری اچ گھن آیا ویسی ، دشمن عناصر دی بزدلانہ کارروائیاں دوستاں وچال دوستی دے ڳانڈھے کوں کچا نی کرسڳدیاں ۔ ایوان صدر دے پریس ونگ موجب صدر مملکت آصف علی زرداری چین دے سفارت خانے دا دورہ کیتے۔صدر مملکت چین دے پاکستان اچ سفیر جیانگ زئے دونگ نال ملاقات کیتی ۔صدر مملکت 7 اک??وبر کوں دہشت گردانہ حملے اچ چینی شہریاں دی ہلاکت تے پاکستانی حکومت اتےعوام دی طرفوں دلی تعزیت کیتی ۔ صدر مملکت آصف علی زرداری ݙکھے ویلھے چینی بھرا تے بھیݨاں نال یکجہتی دا اظہار کیتے۔ انہاں آکھیے چینی حکومت اتے عوام دا پاکستان دی سماجی و اقتصادی ترقی اچ اہم کردار اے ۔ ݙوہیں ملکاں دے دشمن ݙوہیں ریاستاں وچال ودھدی شراکت داری نی ݙیکھ سڳدے
