اسلام آباد۔15نومبر(اے پی پی) صدر ممل??ت ڈاکٹر عارف علوی جنگاں جھیڑے دے نتیجے اچ بے گناہ لوکاں دا قتل عام روکݨ تے انسانیت کوں دنیا دے طاقتوراں دے تشدد توں بچاوݨ کیتے ھک متح?? نقطہ نظر اپناوݨ دی لوڑھ تے زور ݙیندے ہوئیں آ??ھیے جو عالمی برادری غزہ اچ خونریزی روکݨ سانڳے آپݨا کردار نبھوے ۔ اے ڳالھ انہاں ٻدھ کوں اتھاں اسلام آباد پالیسی رسیرچ انسی ٹیوٹ (آئی پی آر آئی)دے اہتمام نال سالانہ مارگلہ ڈائیلاگ 2023 توں خطاب کریندے ہوئیں آ??ھی اے ۔ تقریب اچ غیر ملکی سفارت کاراں اتے دانشوراں سودھے مختلف ملکاں نال تعلق رکھݨ آلی شخصیات شرکت کیتی۔ صدر مملکت آکھیے عقل دی طاقت کوں انہاں متشدد قوتاں تے فوقیت حاصل ہووݨی چاہیدی اے جیڑھی جو انسانیت تے انصاف دی روح کوں ختم کریندی اے ۔ صدر مملکت آکھیے دنیا اچ مفادات انسانیت تے غالب ہن جتھاں لوکاں کوں غیر انسانی سلوک دا نشانہ بݨاوݨ معمول بݨ ڳئے ۔ انہاں آ??ھیے جنگ کہیں وی جھیڑے دا حل کائنی ۔ انہاں ایں ڳالھ تے افسوس کیتے جو جنگ مکاوݨ دے خلاف ویٹو دا حق استعمال کرݨ متعلقہ ملک دے اخلاقی معیارات تے سوالیہ نشان لڳدے ۔
