نیویارک ۔25نومبر(اے پی پی)اقوام متحدہ اچ پاکستان دے سفیر منیر اکرم بھارتی دہشت گردی اتے تخریب کاری دے ثبوت آلا ڈوزیئر اقوام متحدہ دے سیکرٹری جنرل انتو نیو گوترش کوں ڈے ڈتے جیندے اچ پاکستان ولوں مطالبہ کیتا ڳئے جو اقوام متحدہ پاکستان اچ بھارت دی دہشت گردی اتے جارحیت دیاں سرگرمیاں رکواوݨ کیتے کردارادا کرے۔ بعد اچ پریس کانفرنس کریندے منیر اکرم آکھیا جو انہاں مطالبہ کیتے جو سیکرٹری جنرل بین لاقوامی قانون، اقوام متحدہ دے منشور اتے سلامتی کونسل دی قرارداداں دی خلاف وزری دا نوٹس ڳھنن اتے پاکستان اچ بھارتی دہشت گردی اتے تخریب کاری روکݨ کیتے بھارت تے دبائو سٹیا ونڄے، پاکستان اقوام متحدہ دے سارے متعلقہ اداریاں اتے سلامتی کونسل دی توجہ بھارت دی دہشت گردی دی سرپرستی دو ݙیویندا راہسی۔ انہاں آکھیا جو سیکرٹری جنرل یقین ݙیوائے جو او ڈوزیئر دا جائزہ ڳھن تے مناسب کارروائی کریسن۔
