اسلام آباد۔5جون (اے پی پی) وزیر مملکت برائے خارجہ امور حنا ربانی کھر اوسلو اچ ناروے دی پارلیمنٹ دی کمیٹی برائے خارجہ امور اتے دفاع دے اراکین نال ملاقات کیتی جئیں دی سربراہی چیئرپرسن این سورائیڈ کریندی پی ہن۔ دفترخارجہ موجب ملاقات اچ آپسی تشویش دے علاقائی اتے عالمی معاملے اتے عالمی امن کوں لاحق خطرات تے ڳالھ کیتی ڳی۔ وزیر مملکت ناروے تے زور ݙتا جو او بین الاقوامی تنازعیاں دے حل اچ اپݨا کردار ادا کرے۔ حنا ربانی کھرگزریل ݙینھ اوسلو پڄی ہن۔ وزیر مملکت برائے خارجہ امور 5 توں 13 جون تئیں یورپ دے چار ملک ناروے، سویڈن، ڈنمارک اتے بیلجئم دے سرکاری دورے تے ہن۔
