اسلام آباد۔11اکتوبر (اے پی پی) نگراں وفاقی وزیر اطلاعات تے نشریات مرتضیٰ سولنگی آکھیا جو نگراں وفاقی کابینہ غزہ اچ نہتے فلسطینیاں تے اسرائیلی بمباری دی شدید الفاظ اچ مذمت کریندیں ہوئیں مطالبہ کیتے جو غزہ تے اسرائیلی بمباری فوری بند اتے فلسطین دی 1967 توں پہلے دی حیثیت بحال کیتی ونڄے۔ پی او آر کارڈ رکھݨ آلے افغان پناہ گزیناں دے خلاف کاروائی کائنی کیتی ویندی پئی۔ غیر قانونی رہݨ آلے افغان پناہ گزیناں کوں فوری طور پاکستان چھوڑݨ دا آکھیا ڳئے۔ وفاقی کابینہسہیل ناصر کوں بطور ڈپٹی چی??رمین نیب اتے سید احتشام قادر شاہ کوں بطور نیب پراسیکیوٹر ??نر?? اکائونٹیبلٹی تعینات کرݨ دی منظوری ݙتی اے۔ کابینہ پی آئی اے دی نجکاری کیتے فنانشل ایڈوائزری کنسورشیم دی خدمات ڳھنݨ دی دی منظوری ݙتی اے۔ بدھ کوں وفاقی کابینہ دےاجلاس دے بعد نگراں وفاقی وزیر نجکاری فواد حسن فواد دے رلے میڈیا بریفنگ ݙیندیں ہوئیں نگراں وفاقی وزیر اطلاعات آکھیا جو نگراں وزیراعظم ??نوار الحق کاکڑ دی صدارت اچ نگراں وفاقی کابینہ دے اجلاس اچ غزہ اچ اسرائیل ولوں نہتے فلسطینیاں خصوصی طور شہری آبادی تے بمبادی دی شدید مذمت کیتی اے۔ کابینہ مطالبہ کیتے جو غزہ تے اسرائیلی بمباری فوری بند اتے فلسطین دی 1967 توں پہلے دی حیثیت بحال کیتی ونڄے۔ وفاقی کابینہ وزارت خارجہ دی سفارش تے بریگیڈیئر شاہد عامر افسر کوں پاک چین تعلقات دے ودھارے کیتے چین ولوں تفویض تھیے ایوارڈ ”PLA Commemorative Medal“ وصول کرݨ دی منظوری ݙتی اے۔
.jpg)
