اسلام آباد۔12اگست (اے پی پی):اسپیکر قومی اسمبلی راجہ پرویز اشرف نینگراں دے عالمی ݙینھ تے آپݨے سنھیے اچ آکھیے نینگر کہیں وی ملک تے قومی دا قیمتی اثاثہ ہوندن ، نینگراں دیاں صلاحیتاں کوں بروئے کار گھن آتے ملک کوں ترقی دے رستے ٹوریا ونڄ سڳدے ، پاکستان دے نینگر ٻہوں ساریاں صلاحیتاں دے مالک ہن ، اسپیکرآکھیے پاکستانی نینگر پوری دنیا اچ آپݨی صلاحیتاں دا لوہا منوائے پاکستان دی موجودہ آبادی اچ نینگراں دی تعداد ساریں توں ودھ اے جیں ملک دی زیادہ آبادی نینگراں دی ہووے اینکوں ترقی کرݨ توں کوئی نی روک سڳدا ، نینگراں کوں سازگار ماحول ݙے تے انہاں دیاں صلاحیتا توں فیدہ چاتا ونڄ سڳدے اسپیکر آکھیے ساݙے ملک دا مستقبل تکڑے ہتھاں اچ ہے ۔
