اسلام آباد۔13اکتوبر (اے پی پی) الیکشن کمیشن ایں خبر دی تردید کیتی اے جو بلدیاتی ادارے فوت شدہ لوکاں دا ڈیٹا نی ڈیندے پئے جیں پاروں انتخابی فہرستاں اچ فوت شدہ لوکاں دے ووٹ وی درج ہن ،ایں حوالے نال الیکشن کمیشن واضح کیتے جو 2012توں ہنڑ تئیں مرحلہ بہ مرحلہ تھیونڑ آلے انتخابی فہرستاں دی نظر ثانی دے دوران بلدیاتی اداریں تے نادرا ولوں ڈتیاں ونجنڑ آلی تفصیل موجب تقریباً 40 لکھ توں ودھ فوت شدہ لوکاں دے ناں انتخابی فہرستاں وچوں کڈھیے گن ۔ انتخابی فہرستاں دی نظر ثانی برائے 18-2017 اچ الیکشن کمیشن آف پاکستان اچ 8 لکھ توں ودھ انتخابی فہرستاں دی نظر ثانی سال20- 2019اچ الیکشن کمیشن آف پاکستان 7 لکھ 50ہزار توں ودھ فوت شدہ لوکاں دے ناں انتخابی فہرستاں توں حذف کیتن۔الیکشن کمیشن آف پاکستان ایں گال دی اہمیت کوں سامنڑے رکھیندے ہوئیں گورنمنٹ متعلقہ حکام کوں آکھیے جو فوت شدہ لوکاں دے کوائف الیکشنز ایکٹ 2017 دے سیکشن 43 موجب ترائے مہینے بنیاد اں تے الیکشن کمیشن آف پاکستان دے ضلعی الیکشن کمشنر ز یا رجسٹریشن افسراں کون ڈیون تاں جو قانون موجب سارے فوت شدہ لوکاں دے ووٹ انتخابی فہرستاں وچوں کڈھ ڈتے ونجن ۔
