اسلام آباد۔31جولائی (اے پی پی) وفاق?? وزیر انفارمیشن ٹیکنالوجی تے ٹیلی کمیونیکیشن شزہ فاطمہ خواجہ آک??یا جو ملک دی پہلی جامع مصنوعی ذہانت پالیسی انوویشن ایکو سسٹم دا فروغ، سپورٹ فنڈ دے قیام، مصنوعی ذہانت بارے آگاہی، سائبر سکیورٹی، مساوی موقعیاں دی فراہمی اتے بین الاقوامی شراکت داری تے مشتمل اے، ایں پالیسی دے تحت نینگراں کوں مالی تعاون ݙے تے انوویشن آئیڈیاز اتے سٹارٹ اپس کوں فروغ ݙتا ویسی، شہریاں اچ مصنوعی ذہانت بارے آگاہی پیدا کیتی ویسی اتے انہاں کوں ایں کیتے مساوی موقع ݙتے ویسن۔ خمیس کوں اے ڳالھیں انہاں وفاقی کابینہ ولوں منظور کیتی ڳئی قومی مصنوعی ذہانت پالیسی بارے ڳالھ مہاڑ کریندیں ہوئیں کیتی۔ انہاں آک??یا جو وفاقی کابینہ توں اے آئی پالیسی دی منظوری تے پوری قوم بالخصوص نینگراں کوں مبارخ پیش کریندی آں، پاکستان اے تاریخی سنگ میل حاصل کیتے، اے پالیسی صرف ٹیکنالوجی دے دور اچ شامل تھیوݨ دا حصہ نئیں ??لک?? اے ہک انقلابی قدم اے جو پاکستان کوں ترقی یافتہ ملکاں دی صف اچ شامل کریسی۔ انہاں آک??یا جو مصنوعی ذہانت صرف ٹیکنالوجی یا آئی ٹی دے شعبے نال منسلک نئیں ??لک?? زندگی دے سارے شعبیاں صحت، تعلیم، صنعت تے تجارت، معیشت سمیت ݙوجھے شعبیاں اچ انقلاب برپا کریندی پئی اے۔ انہاں آک??یا جو اساݙی کوشش اے جو پاکستان دا ہر شہری مصنوعی ذہانت دے فائدیاں توں مستفید تھیوے۔شزہ فاطمہ خواجہ آک??یا جو قومی مصنوعی ذہانت پالیس?? وزیراعظم محمد شہباز شریف دے ڈیجیٹل پاکستان وژن دی عکاسی کریندی ہے?? وزیراعظم محمد شہباز شریف نے معیشت، آئی ٹی اتے گورننس سمیت سارے شعبیاں وچ ڈیجیٹل انقلاب گھن آوݨ دا ہدف ݙیتا ہے ایں حوالے نال قومی مصنوعی ذہانت پالیسی کلیدی اہمیت دی حامل ہے۔ انہاں آک??یا جو مصنوعی ذہانت پالیسی دے 6 ستون ہن جن??اں وچ انوویشن ایکو سسٹم دا فروغ ہے اتے ایں کیتے فنڈ دا قیام ہے جیں دے ذریعے بالخصوص نینگراں کوں مالی معاونت فراہم کیتی ویسی، انہاں دے انوویشن آئیڈیاز اتے سٹارٹ اپس کوں فروغ ݙیتا ویسی، انوویشن دے فروغ کیتے نینگراں کیتے سرمایہ کاری تے زیادہ توجہ مرکوز کیتی ویسی۔انہاں آک??یا جو آگاہی اتے تیاری ایں پالیسی دا اہم ستون اے، مصنوعی ذہانت اتے ایں دے استعمال بارے آگاہی ہر شہری کیتے ضروری اے، مصنوعی ذہانت بارے اساں سکولاں اتے کالجاں اچ علم کوں فروغ ݙیوݨ سودھے ملازمت پیشہ اتے کاروباری افراد کوں وی تعلیم ݙیسوں، ایں نال اساں ہنرمند افرادی قوت پیدا کریسوں۔ انہاں آک??یا جو صنعتاں اچ آٹومیشن اتے اے آئی دے کردار اچ اضافہ تھیندا پئے، ایں شعبے اچ وی اساں کوں مصنوعی ذہانت دے فروغ کیتے تیاری دی لوڑھ اے، ایں طرح گورننس کیتے وی اساں کوں مصنوعی ذہانت تے انحصار کیتے خود کوں تیار کرݨا پوسی۔ انہاں آک??یا جو دنیا دی جاب مارکیٹ مصنوعی ذہانت پاروں تبدیل تھیندی پئی اے، ایں پالیسی دے تحت اے ڳالھ یقینی بݨاوݨ اچ مدد ملسی جو اساݙے نوجوان حال اتے مستقبل اچ روزگار دے موقعیاں توں فیدہ چا سڳن۔
