اسلام آباد۔2جنوری(اے پی پی) وزیر خارجہ مخدوم شاہ محمود قریشی پی ڈی ایم دی پریس کانفرنس دے ولدے اچ آکھیا جو پی ڈی ایم، 31 جنوری دا انتظار کیوں کریندی پئی اے، اساں انہاں دے آکھݨ تے یا انہاں دے دبائو تے استعفیٰ کائنا ݙیسوں۔ اساں کنے عوام دا مینڈیٹ اے۔ وزیراعظم عمران خان کوں ایوان دا اعتماد اے، او انہاں دے آکھݨ تے استعفیٰ کیوں ݙیون۔ انہاں آکھیا جو کل لاہور اچ پی ڈی ایم رہنماواں دی ساڈھے پنج گھنٹے وی لمبی نشست بے نتیجہ رہی اے۔ انہاں پیپلز پارٹی دی سینٹرل ایگزیکٹو کمیٹی دے اجلاس اچ کیتے ڳئے فیصلیاں دی توثیق کیتی اے۔ انہاں وی اعلان کر ݙتے جو پی پیپلز پارٹی وانگوں ضمنی انتخابات اچ حصہ گھنسوں۔
