راولپنڈی ۔7 جون(اے پی پی)آرمی چیف فیلڈ مارشل سید عاصم منیر لائن آف کنٹرول تے اڳلے مورچیاں دا دورہ کیتا اتے فرنٹ لائن دستیاں نال عید الاضحیٰ منائی۔ آئی ایس پی آر توں جاری بیان دے مطابق آرمی چیف فیلڈ مارشل سید عاصم منیر لائن آف کنٹرول دے نال نال اڳلے مورچیاں دا دورہ کیتا تاں جو فرنٹ لائن دستیاں نال عید الاضحیٰ منائی ونڄے۔ دورے دا آغاز نماز عید نال تھیا جیںدے اچ ملک دے پائیدار امن، استحکام اتے خوشحالی دے نال نال مادر وطن دے دفاع کیتے عظیم قربانیاں ݙیوݨ آلے شہداء کیتے خصوصی دعائیں کیتاں ڳئن۔
افسراں تے جواناں کوں عید دی مبارک ݙیندے فیلڈ مارشل انہاں دے ??یر متزلزل عزم، پیشہ ورانہ مہارت اتے مسلسل چیلنجاں دے مقابلے اچ ثابت قدم خدمات دی تعریف کیتی۔ آرمی چیف آکھیے جو عید آپݨے خانداناں توں دور فرنٹ لائن تے منانوݨ ہر صورت اتے ??ر قیمت تے مادر وطن دے دفاع دے اعلیٰ قومی مقصد کوں پورا کریندے۔ آرمی چیف معرکہ حق آپریشن بنیان مرصوص دے دوران فارمیشن دی مثالی کارکر??گی دی تعریف کیتی اتے شہداء اتے غازیاں کوں زبردست خراج تحسین پیش کیتا جنہاں دیاں قربانیاں ملک دی سلامتی اتے عزم کوں مضبوط بݨیدن۔
سید عاصم منیر جواناں نال ڳالھ مہاڑ کریندے آکھیے جو تساں آپݨے جرأت مندانہ اتے موثر ولدے نال معصوم پاکستانی شہریاں بشمول ٻالاں، عورتاں تے بزرگاں دی جاناں دے ضیان دا مناسب بدلہ گھدے۔ آرمی چیف انہاں دے بلند حوصلے، ??یر معمولی آپریشنل تیاریاں اتے بھارتی جنگ بندی دی خلاف ورزیاں دا موثر جواب ݙیوݨ دے جذبے دی تعریف کیتی۔ انہاں مسلح افواج دی جنگی تیاریاں تے مکمل اعتماد کیتے تاں جو کہیں وی جارحیت کوں فیصلہ کن طور تے روکیا ونڄ سڳے۔
فیلڈ مارشل پاکستان دے اصولی موقف کوں اڳونہا کریندے عزم دوہرایا جو بھارتی قبضہ دے خلاف کشمیری عوام دی منصفانہ اتے دلیرانہ جدوجہد کوں کݙاہیں نا بھلایا ویسی۔ انہاں بھارتی ??یر قانونی زیر تسلط جموں و کشمیر دے تنازعہ کوں ایں دے عوام دی سک اتے اقوام متحدہ دی سلامتی کونسل دی متعلقہ قرارداداں دے مطابق حل کرݨ تے زور ݙتے۔
لائن آف کنٹرول آوݨ تے کمانڈر راولپنڈی کور آرمی چیف دا استقبال کیتا۔
.jpg)
.jpg)